Ënt â teritori dë Pineirôl lâ doua lënga proutëjâ da la légge 482/99 soun lou fransê e l’ousitan; pluziouri guichét lënguistiqque travallhën për chac lëngo.

Lî guichét lënguistiqque dë lâ valadda dë Pineirôl soun ourganizà sû dui plan:

  • LÎ GUICHÉT LËNGUISTIQQUE DË COUOURDINAMËNT
    administrà da la Coumunità dë Mountannho:

    s’ocuppën d’adresâ laz inisiativa vèrs lî but quë lour soun îtà ërcounouisù, aprountën lî prougét e pënsën a ëdmandâ lî finansiamënt. L’ê lî guichét quë ténën lî countat ooub laz ëstitusioun Rëjounâla e ooub lou Ministero e qu’ajùën laz asouchasioun loucala a travalhâ ënsëmp. Quëtti guichét së trobbën a la Tour e ën Peirouzo.
  • LÎ GUICHÉT LËNGUISTIQQUE SÛ DÂ TERITORI
    oruganizà da lâ difrënta asouchasioun culturala:

    realizën councretamënt lî prougét, fëzënt lâ tradusioun për lâ ëstitusioun ou për lî privà, e ajuant-lî për tout soc ërgardo lâ lënga dë minouranso. Châc asouchasioun s’ocuppo d’uno partìo dâ teritori:

    → L’Asouchasioun Culturalo “La Valaddo” dë l’aouto val Cluzoun
    → L’Asouchasioun Culturalo “Amîs dë l’Eicolo Latino” dë la val San Martin e dë la bâso val Cluzoun
    → La Foundasioun “Chéntre Culturâl Valdê” dë la Val Péli e dë la Cumuna a la caou dë lâ mountannha.

Tout so qu’un à fait d’ëmpourtant për soutënî lâ lënga dë minouranso ënt î dërìe ann:

La lh’à dëcò, ën pi, lî guichét lënguistiqque quë së deiplasën: noû sabbën gaire l’ê ëmpourtant lou countat diret ooub lâ poupulasioun, e alouro noû partisippën a dë difrnta manifëstasioun e fèta, ën Italio coum a l’eitrangìe. Ën quëtta oucazioun lî guichét lënguistiqque distribuisën dë material ënfourmatiou sû la quëstioun dë lâ lënga dë minouranso e dounën a tuti laz ënfourmasioun quë lour sèrvën!



Traduzione: Occitano Val Germanasca

← Touërno â prënsippi
“Progetto finanziato dalla Presidenza del Consiglio dei Ministri nell’ambito del programma degli interventi previsti dalla Legge 15 dicembre 1999 n.482 Norme in materia di tutela delle minoranze linguistiche storiche e coordinato dall’Assessorato alla Cultura della Regione Piemonte Settore Promozione del patrimonio culturale e linguistico”